您的位置 > 名家来料>正文内容
法达斯维:曼城踢馆!

作者:海天一色 文章来源:互联网 关注度: 更新时间:2016年10月26日


红魔地狱尾站残晒

今晚英格兰联赛盃16强上演曼市打吡,由曼联主场迎战衞冕嘅曼城。虽然两军近况都唔掂,但曼联近期经历地狱赛期坚难捱,今仗去到最后一站,个个都搏到残晒,最弊係上仗惨吞车仔4蛋,令士气低落,红魔主帅莫连奴又同命中注定嘅剋星、曼城领队哥迪奥拿狭路相逢,难有运行,加上「蓝月亮」近6次作客曼联只曾1败,今仗誓要勇挫死敌博反弹,平手盘坐和望赢。

(周四凌晨3时开赛、马会网上文字直播)

曼联踏入10月迎来魔鬼赛期,先喺联赛作客守和利物浦0比0,再战欧霸分组赛主场大胜费伦巴治4比1,但上仗返联赛造访车路士大败0比4,严重打击士气,而且主帅「寸王」莫连奴对中后场甚少大轮换,主力如迪基亚、艾历拜利、基斯史摩宁、保罗普巴踢足3场硬仗,消耗极大,来到今仗魔鬼赛期尾站对曼城,众将已疲于奔命。最惨係艾历拜利喺对车仔之役伤出,今仗唔使预佢,呢位新加盟嘅中坚表现稳定,曼联后防冇咗佢真係几牙烟。

哥帅係寸王剋星

当然曼城近况亦唔好得几多,连盃赛之前5仗只获3和2负,但相对于曼联嘅魔鬼赛期,佢哋耗力冇咁大。除此之外,主帅哥迪奥拿每次对亲莫连奴都特别醒神,两人带领唔同球队之前17次交手,单计法定时间,哥帅录8胜7和2负,绝对係「寸王」剋星。

况且,曼城需要一场胜仗打番起信心,今仗造访死敌曼联嘅打吡战,可谓最佳反弹时机,因为「蓝月亮」近6次作客红魔,录得4胜1和仅1负佳绩,包括今季英超首循环赢2比1,睇嚟喺奥脱福球场上演打吡唔多利红魔喎,曼城有力赢波杀入8强,继续衞冕之旅,仲有开平手盘咁笋,一于捧「蓝月亮」。

手机站m.ee68.com
足球赛事视频集锦
联赛资讯+比分+直播
关注竞弈APP应用
微信二维码
公众号jyty777
每周推送重心竞彩推荐
阿迪达斯&耐克折扣商品
上一篇:笛子波童:主场誓打翻身战
下一篇:傻豹受让反咬乌甸